Rikala karya Ida Bhatara Turun Kabeh ring Pura Besakih kalaksanayang parikrama nyejer saking tanggal 24 Maret - 14 April 2024. Akeh umat Hindu medek tangkil ka Pura Besakih. Parindikan puniki ngamedalang luu akeh, sekadi luu sisan upacara lan luu plastik. Antuk muputang pikobet luune punika, manggala sampun nyayagayang kirang langkung 150 petugas kebersihan, nanging, luu puniki kari dados pikobet. Paindikan luu punika sareng sami mangda nureksain tur ngetangin sane becik tur patut. Mawinan Pura Besakih mejanten pura ageng ring bali sane patut kalestariang paindikan kebersihan lan kesuciannyane. Pura besakih taler mejanten dados objek wisata sane ngamolihang taler ngametuang paweweh sane becik ring para pedagang miwah sane melihara parahyangan utawi genah punika. Akeh tata cara utawi solusi anggen ngirangin pikobet luu punika, sinalih tunggil sane mabuat inggih punika ngawit saking angga. Majalaran antuk setata eling ring parindikan nyaga kebersihan, kesucian wewidangan pura, miwah rasa tanggung jawab. Mungguing makudang-kudang tata cara tiosan sane kaanggen ngirangin pikobet luu punika, inggih punika: 1. Nyangkepang genah luu ring wewidangan pura Nyiagayang genah luu sane jangkep dahat berpengaruh mantuka ring kebersihan wewidangan, utamane ring nampek genah suci miwah genah masandekan. Yening ring genah punika nenten kasiagayang genah luu sane jangkep pastika para semetone pacang ngutang luu ngawag tur pastika pacang katulad olih semeton tiosan sane ngawinang luu punika sayan ngakehang. 2. Ngirangin nganggen luu plastik sane meanggen apisan. Plastik sane meanggen apisan biasane keanggen ring sajeroning mungkus banten utawi canang. Mangda prasida ngirangin panganggen sampah plastik mangda sida kagentosin antuk tas kain utawi makta banten lan bokor anggen makta canang, dadosne makueh sampah plastic sane kahasilang sida ngirangin.
3. Ngirangin Makta Ajengan sane Mabungkus Plastik Luu plastik sane kapikolihang ring wewidangan Pura Besakih mawit saking bungkus makanan, napike makanan sane katumbas ring wewidangan punika utawi lungsuran saking banten sane kaaturang. Sinalih tunggil tata cara utawi solusi punika, prasida pacing ngirangin luu plastik ring wewidangan pura.
4. Bekerjasama sareng Masyarakat setempat miwah Memaksimalkan Program Sukla Project . Sukla Project inggih punika utsaha ngolah luu ring wewidangan Pura Besakih sane kamargiang antuk ngelibatang pemerintah, Masyarakat setempat, miwah pihak ketiga. Kolaborasi puniki dahat ngawinang wewidangan punika prasida sukla suci miwah bersih saking luu. Saking samian solusi punika, sane dahat mautama inggih punika antuk kesadaran saking angga soang-soang. Yening nenten setata eling pastika sahananing sane sampun kalaksanayang nenten prasida memargi antar. Ngiring sareng sareng irage nyaga kebersihan tur kaweruhan Pura Besakih. Yen nenten irage sane nyage, sira men?
Enable comment auto-refresher