Om Swastyastu Para angga panureksa Tim BASAbali Wiki sane kusumayang titiang Sapunika taler, para semeton yowana sareng sami sane tresna sihin titiang
Pinih ajeng ngiring iraga ngaturang rasa angayu bagia ring Ida Sang Hyang Widhi Wasa, duaning sangkaning pasuecan Ida, titiang ngiring ida dane sinamian, prasida mapupul sajeroning acara Wikithon Partisipasi Publik Bali Berorasi. Para semeton sinamian, titiang Ni Komang Novi Dharma Yanthi saking SMKN 2 Denpasar. Sane mangkin titiang jagi ngaturang orasi indik pembullyan, parilaksana sane sepatutnyane nenten dados kepiara ring kehuripan iraga. Sane kekumpulan titiang antuk murda Parilaksana sane Kadasarin Tat Twam Asi . Ring warsa ke warsa parindikan puniki dados pikobet sane meweh pisan ring jagate, mawinan punika ngeninin indik parilaksana para pemuda-pemudine. Napi sujatinnyane bullying punika? Bullying inggih punika kewentenan sekancan parilaksana sane kalaksanayang olih para jadma neneten bertanggung jawab krana para jadma punika keni pinungkan kemerosotan moral. Parilaksana nenten melah punika prasida ngranayang kerusakan fisik, emosional taler mental sang sane ngerasayang bullying. Menurut informasi saking Komisi Perlindungan Anak Indonesia KPAI kawentenan bullying utawi perundungan kecutetang kenaikan kirang langkung 1.138 kasus saking kasus kekerasan fisik miwah psikis. Nyingakin ring data angka punika, iraga pinaka pemuda-pemudi sane bijak lan madue idep, sepatutnyane maparilaksana sane melah sakadi : 1. Saling asah, asih lan asuh menyama braya sareng para semeton iragane. 2. Taler ngedasarin sekancan parilaksana iraga antuk ajaran Agama Hindu san kesengguh Tat Twam Asi, inggih punika ajaran sane mencerminkan saya adalah anda dan anda adalah saya. Wantah asapunika, iraga sareng sami patut masusila kadasarin ajaran Tat Twam Asi lan Asah, Asih, Asuh. Mangda nenten wenten malih bullying sane merusak mental, emosional lan fisik para yowana ring jagat iragane.
Asapunika sane prasida aturang titiang ring galahe mangkin, Mugi-mugi napi sane aturang titiang puniki prasida dados refleksi ring angga sang sane dados pembully mangda nyipatayang jagat sane becik lan welas asih sareng sami pinaka yowana bangsa. Puputang titiang antuk parama santhi Om Santhi, Santhi, Santhi Om
Enable comment auto-refresher