Jamane mangkin kabaos jaman aor tanpa wates utawi jaman globalisasi. Panglimbak teknologi punika madue dampak positif miwah dampak negatif, nanging liu anak- anak truna miwah truni sane iwang nganggen teknologi punika. Contonyane maplalianan hp kanti engsap teken waktu. Liu anak- anak truna miwah truni sane nganggen hp ngawag tur ngrereh sane tidong-tidong tur nenten maguna. Contonyane alit-alit mangkin demenan melajahin dance Korea teken melajahin tari Bali. Munyine , dance korea kone lebih aluh lan lebih seru pelajahin teken tari Baline ane keweh pelajahin. Bali punika pulau Dewata sane kasub teken keindahan alam lan kebudayaannyane. Iraga dados anak Bali patut melajahin tari Bali tusing ja melajahin dance Korea cara janine. Liu turis mancanegara ane nagih melajahin tari Bali. Nanging ngudiang iraga ane asli tur lekad di Bali tusing demen melajahin tari Bali. Cara contonyane Ayu ane demen teken dance Korea nanging tusing nyak melajahin tari Bali. Yen orahinne melajahin tari Bali teken memene ia tusing nyak krana suba tusing jaman kone melajahin tari Bali. Sepatutne iraga dados anak Bali mangda setata nglestariang tari Bali punika. Yen tusing iraga, sira malih sane jagi nglestariang budaya pedidi utamannyane tari Bali. Pangaptin tiange teken Bali dumogi akeh anak- anak utawi alit-alit Bali sane prasida melajahin budaya Bali. Apang tusing ilang kalahang jaman, iraga dados anak Bali patut uning akidik dasar tari Baline,care ngagem, nyeledet, ngeed, ngegol miwah sane lianan.
Enable comment auto-refresher