Indonesia inggih punika negara sane madue akeh budaya, agama, lan ras. Nanging budaya sane akeh punika nenten ngurangi rasa toleransi umat meagama. Toleransi umat meagama punika mearti saling ngajiang umat sane meagama, budaya, suku sane lianan ring kehidupan masyarakat. Ring lingkungan umah tiange, tiang madue akeh timpal sane binaya agama. Nanging tiang nenten taen milih-milih timpal, yadiastun keyakinan lan kepercayaan tiange mabinayan. Rikala wenten dina dina rainan, sami umat sane idup tur meneng ring lingkungan tiange , ngejaga perayaan perayaan punika. Umpami saat rainan Nyepi , biasane umat sane meagama Hindu kalih rahina sedurung Nyepi ngejot jaje utawi woh wohan ring semeton semeton sane nampek sane mebinayan agama. Kenten masi tungkalikane , yening dina Lebaran utawi dina Natal, umat sane meagama Hindu polih jotan jaje , ajengan , utawi woh wohan. Rikala Nyepi, umat sane meagama lianan sareng nenten ngidupang damar tur nenten ngelaksanayang kegiatan napi ring jabe umah soang soang. Sami sareng ngikutin awig awig sane wenten ring lingkungan punika. Kenten masi, yening wenten umat muslim lan umat Kristen ngelaksanayang pengajian utawi doa doa, warga sane lianan masi sareng ngejaga mangda upacara punika antar tur lingkungan dados rahayu. Yadiastun iraga sami mabinayan, ten dados milih milih nulungin timpal. Ten patut nyingak pabinayan sane wenten ring lingkungan rumah, sekolah, utawi masyarakat. Sane patut iraga laksanayang inggih punika, saling pakedek pakenyum, tur saling tulungin, care semboyan ring negaran iragane Bhineka Tunggal Ika sane mearti yadiastun mebinayan nanging tetep medue tujuan asiki. Yening sami umat meagama nglaksanayang semboyan Bhineka Tunggal Ika ne punika, niscaya kerukunan umat meagama pacang kejaga lan jagate pacang aman tur rahayu.
Enable comment auto-refresher