I Belog Meli Bebek

Location

Tabanan

Main characters

Event

Dictionary words

Enable comment auto-refresher

Summary

In English

—

In Balinese

Dugas pidan, ada katuturan satua anak belog. Sabilang kasaman ia langganan lama utawi tusing naik kelas. Timpal-timpalne ngwalek, ia kasayangang teken bapak ibu gurune ento makada tusing naik kelas. Rapotne setata misi lawar, cara janine nilai merah. Da ja mapetekan, nulis A, B, C, D lan Anacaraka ia tusing bisa. Timpal-timpalne nyambatang ia belog magandong. Sasukat ento ia kaukina I Belog. Kacerita jani memene sibuk matanding nyanggra odalan di sanggahne. Memene lantas ngidih tulung tekening I Belog apang ka peken meliang bebek. Memene lantas ngenjuhang pis satus tali rupiah tur pedes mabesen teken pianakne. De, beliang meme bebek baat tur mokoh apang lebihan maan sate Becat I Belog majalan ka peken meliang memene bebek lakar sate. Neked di peken, sengap ia kipak kipek ngalih-ngalihn dagang bebek. Di pekene, magenep dagang tepukina. Ada dagang kalbasa, dagang canang, dagang jaja, dagang palen-palen, dagang tiuk, muang dagang ebe. Dagang bebek lan dagang siape mapunduh di bucu kelod kauh. Ia lantas ngojog dagang bebeke. Jero pilihin jep bebek mokoh tur bat Dagange lantas ngejukang tur ngenjuhang bebek mokoh. I Belog ngenjuhang pipis satus tali rupiah. Bebeke aukud aji telungbenang tali rupiah. Ia maan susuk buin selae tali rupiah. I Belog gageson majalan mulih sambilanga nyangkil bebekne. Neked di tukade, ia mareren lakar manjus. Aine nyentak, ia peluh pidit kerana ongkeb. Di tukade ia mameman. Tis karasayang bangkiangne sorsor yeh tukad. Tuni semengan satonden luas ka peken ia tonden manjus. Disubane suud manjus, I Belog edot manjusang bebekne apang bulune kedas tusing uyak daki. Ia lantas ngelesang tali panegulan batis bebeke. Mara lebanga di tukade, bebekne kambang tur ngelangi. Sing kodag-kodag gedeg basangne kerana marasa kena uluk-uluk dagang bebek. Anjir .. Uluk-uluka cang teken dagange. Cang nagih bebek bat jeg bebek ingan cang bange. I Belog kaliwat pedih. Bebekne tusing ejuka, depanga ngeleb ka telabahe. Ngamigmig ia majalan ngamulihang. Carang kayu ane ngandang di rurunge tanjunga. Batisne matatu tur magetih, enjok-enjok pajalanne. Memene tangkejut nepukin pianakne majalan enjak-enjok maimbuh mulih tusing ngaba bebek. Ia narka pianakne kabegal di jalan sawireh batisne matatu pesu getih. Kenken to De, kal matatu batise, kena begal di jalan? Sing Me, jeg gedeg basange. Carang kayu ngandang kal tanjung ndasne Ngudiang nanjung carang kayu ngandang. Siteng san batis caine? Gedeg basange, uluk-uluka teken dagange. Cang nagih bebek bat jeg bebek ingan bange. Mara lebang di tukade, jeg kambang bebeke Ditu lantas I Belog welanga baan memene. Keto upah cai tusing demen malajah. Masan anak masekolah, cai kumuh malayangan Payu memene tepok jidat.

In Indonesian

Dulu, ada kisah seorang anak dungu. Setiap kenaikan kelas, ia langganan ketinggalan kelas. Teman-temannya meledek, ia disayang oleh bapak ibu guru sehingga tidak naik kelas. Buku rapornya penuh ‘lawar’, kiasan untuk nilai merah. Jangankan menghitung, menulis A, B, C, D dan Anacaraka ia tidak bisa. Para sahabat menyebutnya manusa bodoh. Sejak itu, ia pun dipanggil si Dungu.

Dikisahkan, ibunya sedang sibuk buat sesaji jelang upacara keagamaan di ppura keluarga. Ibunya pun minta tolong ke anaknya untuk beli bebek di pasar. Ibunya berikan uang Rp 100 ribu dan sampaikan pesan kepada putranya. “De, belikan ibu bebek gemuk dan berat agar banyak dapat daging bahan sate!” Si Dungu bergegas pergi ke pasar belikan ibunya bebek untuk bahan sate. Setiba di pasar, ia kebingungan mencari tempat dagang bebek. Banyak dagang ia jumpai di pasar. Ada dagang bahan bumbu, dagang canang, dagang jajan, palen-palen, pisau, hingga dagang daging. Dagang bebek dan ayam berkelompok di sudut barat laut. Ia bergegas menuju dagang itik. “Jero, tolong pilihkan saya itik yang berat dan gemuk!” Penjual kemudian menangkap dan memberikan bebek gemuk. Si Dungu mengangsurkan uang Rp 100 ribu. Harga seekor itik Rp 75 ribu. Dapat uang kembalian Rp 25 ribu. Si Dungu bergegas pulang dengan membawa seekor itik. Tiba di sungai, ia berhenti hendak mandi. Matahari terasa menyengat, keringat bercucuran karena gerah. Dia berendam di sungai. Pinggangnya terasa adem terendam di sungai. Pagi tadi sebelum ke pasar ia belum mandi. Usai mandi, si Dungu hendak memandikan itiknya agar bulunya bersih tanpa kotoran. Tali pengikat tali pada kaki itik dilepas. Itik itu dilepas di sungai, mengambang dan berenang. Si Dungu dongkol merasa kena tipu pedagang itik. “Anjir….. aku kena tipu. Aku minta itik berat, tapi diberi itik ringan.” Si Bodoh amat marah. Itik itu ditinggal dan dilepaskan ke sungai. Ia berjalan pulang dengan menggerutu. Ranting pohon yang teronggok di jalan ditendang. Kakinya terluka dan berdarah, jalannya pincang. Ibunya kaget melihat anaknya berjalan pincang tanpa bawa itik. Dia menduga anaknya kena jambret di jalan karena kakinya terluka dan berdarah. “Kenapa kamu De, kakim terluka, kamu kena begal di jalan?” “Tidak bu. Aku marah. Ranting pohon yang teronggok di jalan aku tendang!” “Ngapain kamu nendang ranting pohon di jalan. Kuatkah kakimu?” “Aku marah, ditipu pedagang itik. Aku minta itik yang berat tapi diberi itik kurus. Ketika aku lepas di sungai, bebek itu mengambang!” Ibunya pun marah. Risiko jadi anak bodoh, tidak mengerti pesan orangtua. Ibunya tepok jidat melihat kelakuan putranya. Ditu lantas I Belog welanga baan memene. “Begitulah jika kau tak suka belajar. Saat yang lain sekolah, kamu selalu bermain laying-layang!”

Ibunya tepok jidat.

Nothing was added yet.