Matur suksma aturang titiang majeng ring para pangenter acara miwah angga panureksa antuk galah sane kapica ring sikian titiang, sadurung titiang matur amatra lugrayang titiang ngaturang rasa angayubagia mantuk ring Ida Sang Hyang Widhi Wasa duaning sangkaning pasuecan Ida iraga sareng sami prasida ngamiletin pacentokan bali berorasi. Sadurung matur ngiring sareng sami ngaturang puja pangastuti pangastungkara Om Swastyastu. Ida-dane semeton sinamian sane wangiang titiang. Adat lan budaya Bali sampun wenten mawit sejak turun temurun, sane sampun kapiara ngantos mangkin. Orientasi Bali dasarnyane punika nenten menolak pengaruh budaya luar. Sakewanten, punika boya je penyalahgunayan budaya kabebasang, nenten patut Sekadi contoh punika tari Bali,ring gerakan tari Bali punika kawentengan arti lan makna mendalam, nenten patut kalaksanayang utawi kabaktayang ngawag-ngawag, napi malih nenten sesuai pakem utawi uger-uger. Nenten tuah tari manten,budayane makasami sane sampun dados ceciren Bali patut kajaga sane becik. Sampunang ja budaya lan tradisi bali sane mautama kacemerin olih anak dura negara. Olih punika, penting pisan majeng pemerintah miwah krama Bali menindak lanjuti kasus niki, dados kautsahang antuk peneguran utawi pamidanda ngantos kabuatang uger-uger antuk punika. Iraga nadadosang budaya luar mamargi ke Bali, nanging iraga patut eling budaya Bali punika gelah iraga, ngiring jaga lan lindungi budaya iraga sareng sami.
Wantah asapunika pesan sane prasida aturang titiang, dumogi bapak lan ibu calon pemimpin bali prasida ngelaksanayang utawi makarya peraturan indik parindikan puniki mangda nenten wenten malih penyalahgunaan utawi pelecehan budaya bali, yening wenten iwang atur titiang nunas geng rena sinampura. Titiang puput antuk parama shanti, Om Shanti Shanti Shanti Om.
Enable comment auto-refresher
Anonymous user #1
Permalink |
I Gede Dika Adinata
Permalink |
Gede bagus
Permalink |