Sane iraga uningin, ring negara Indonesia puniki akeh pisan kawentenan keberagaman, minakadi suku, ras, budaya, tradisi, agama, miwah sane lianan. Nika sane ngeranayang ring negara puniki wenten semboyan Bhineka Tunggal Ika sane mateges berbeda-beda tetapi tetap satu jua. Nanging, kenyataannyane nenten kadi nika, kari akeh krama ring negara puniki sane maparilaksana intoleransi, silih sinunggilnyane kasus buka paksa portal. Manut ring Kompas.com, 24 Maret 2023 wenten krama sane buka paksa portal genah rekreasi ring desa Sumberklampok, kecamatan Gerokgak, kabupaten Buleleng, Bali. Manut ring Tribunnews.com, kamis 23 Maret 2023 Petugas pecalang sampun ngicenin pewarah majeng krama kaiket sareng larangan ring desa adat mangda kramane nenten nganggen sepeda motor. Petugas taler maosang wantah indik darurat manten sane kapaica izin olih Desa Adat madasar kesepakatan sareng Forum Kerukunan Umat Beragama FKUB . Nanging napi sane sampun kabaosang olih petugas punika nenten pirengange tekening kramane, sekumpul kramane kekeh maksa buka portal, sane kaduga kapimpin olih krama inisial AZ. Kelian Desa Adat Sumberklampok ngelaporang unduk puniki ke pihak kepolisian. Polisi sampun ngerauhin TKP miwah muputang pikobet. Petugas taler nangkep kalih krama sane nyarengin unduk punika. Selanturnyane, manut ring detikbali, 6 Januari 2024 Alit maosang selami ketanganin olih Kejari Buleleng, para tersangkanyane AZ miwah MR nenten ketahan. Ipun wantah keni wajib lapor. Duaning kalih tersangka punika kanilai kooperatif miwah keluarganyane sane nyamin kalih tersangka punika nenten melaib, utawi ngilangang barang bukti. Manut titiang mangda nenten malih wenten unduk sekadi nika, sane kapertama iraga patut eling ring Bali puniki nenten wantah wenten siki agama manten, duaning ring unduk punika kramane sampun kaicen pewarah olih petugas pecalang, nanging ragane nenten mirengang tur kekeh maksa buka portal, yening sampun eling iraga prasida saling ngajinin lan bhakti majeng ring agama sane lianan. Sane kaping kalih majeng ring penegak hukum mangda ngicen hukuman nenten mabinayan mangda anut ring parisolah sane sampun kelaksanayang, duaning ring unduk punika sampun kacingak icenan hukum majeng ring tersangka nika nenten tegas, ipun wantah kanilai kooperatif miwah kaicen jaminan olih keluarga manten ragane nenten ketahan.
Enable comment auto-refresher