Tat Twam Asi dados kebaosang silih sinungil ajahan masusila sane ngawetuang tata cara melaksana, mabebaosan, tur mapepineh sane patut teken anak lianan Tat Twam Asi puniki ngawetuang mangda napi sane kelaksanayang teken anak lianan, punika sujatine tata cara mangenehang padewekan iraga.Nganut ring ajahan Agama Hindu, Tat Twam Asi puniki ngajahin mangda sami umat sedharma tetep madue rasa tresna asih, saling asah asih asuh, tur rasa manyama braya sane patut teken anak lianan. Ring wargi iraga idup medampingan kasarengin akeh parisolah anak lianan. Irika sujatine iraga puniki ka uji antuk ngemargiang laksana utawi mabebaosan sane patut tur becik teken anak. Ring panagara Indonesia sampun kauningin kawentenan 6 agama sane malianan. Punika taler ring Bali puniki nenten lila teken sane kawastanin manyama, matemu tur masemetonan ring wargi taler sane malianan agama. Sane mangkin punapi tata cara mangda iraga polih hidup pada adung nenten wenten rebat? Pastika nganggen rasa Menyama Braya sane becik nginutin ajahan Tat Twam Asi
Rasa adung utawi Menyama Braya puniki kemargiang sedina-dina. Conto nyane ring rahina suci keagamaan, iraga dados semeton umat Hindu dados ngucap Rahajeng temen wargi Islam sane ngemargiang Idul Adha, punika taler sane mangkin akeh teknologi sane ngawinang nenten ruet ngicenang rasa manyama braya teken umat lianan. Sampunang pisan iraga ngemargiang sane boya-boyw sekadi nyelekang, tur ngejohang anak utawi umat sane malianan teken iraga. Sane kadi asapunika tan manut ring ajahan Agama tur tan manut ring semboyan negara Bhinneka Tunggal Ika. Yening iraga ngemargiang sane nenten becik teken anak lianan, punika ngawinang sane nenten becik taler sane kapolihang iraga. Nenten wenten iwang nyane rikala iraga hormat tekening sane wenten ring wargi, punika sane patutne iraga saling adung mangda idup puniki sida santi, becik, tur rahayu.. Patut nyane eling antuk rasa manyama braya ring ajahan Tat Twam Asi, punika ngawinan saking iraga padidi sampun sepatut nyane ngemargiang sane becik teken anak lianan, duaning akeh kawentenan pikobet nenten becik sane wenten krana rasa iri hati, sakit hati krana parilaksana sane nenten becik saking anak lianan. Ngawetuang rasa Menyama Braya punika sampun ngemargiang ajahan Agama.
Enable comment auto-refresher