Summary
In English
In Balinese
Di desa anu ada anak tiwas ngelah pianak aukud. Yadiastun ia tiwas, tusing taen ia nyalanang keneh wiadin nyemak gae ane tuara beneh. Kacrita jani, pianakne suba menek kelih, madan I Durmini. I Durmini mayus pesan buin kiul. Tusing pesan nyak nulungin memene magarapan. Tusing taen oraina pianakne nyampat, nyakan, miwah ane len-lenan. I Durmini gegaene pragat mapayas dogen. Tusing rungu apa. Makatelun memene tusing maan nyampatang natahne, pragat depinina. Ia bangun tengai. Mara bangun ia kiad-kiud dogen nganti ajam makelone, lantas manjus mersihin dewekne. Panganggon gelahne ane menyi pragat tumpukange ngantiang memene mesahin. Nanging memene tetep sayang teken I Durmini. Duaning ia ngelah pianak tuah aukud. Puntag pantig ngubuhin I Durmini nganti kelih. Apang ada idihina nasi disubane tua. Kacrita jani I Durmini suba bisa magae. Nanging pagaene telahanga anggona ngitungang dewekne. Sedek dina anu lantas memene gelem tur tusing nyidayang nyemak gae, pedas memene sewai-wai tusing madaar. I Durmini tusing pesan nyak ngrunguang memene. Mara memene gelem, I Durmini pragat tusing jumah-jumah. Gelem memene nyumingkinang ngenehang pianakne tusing mulih-mulih. Suba makelo ia gelem, lantas mara gigisan, lawan-lawanina ia majalan. Saget tingalina, panakne jegeg pesan, nengteng tas, tayunganne kadi anak ane tuara kuangan apa-apa. Kendel pesan memene nepukin pianakne, kanti gelemne rasane ilang. Suba paek I Durmini teken memene, lantas memene nyapatin, Cening Durmini lakar kija? Nguda cening tusing mulih-mulih? I Durmini tusing masaut krana lek pesan dewekne ningalin memene bungkuk sada menyi, mapanganggo brengbeng, lantas ia macegik, ih iba bengil, adi juari pongah iba ngakuin kai pianak, kai tusing ngelah meme buka kene. Lantas mabading tundun tur magedi ngalahin memene. Men Durmini nyakit ati ngenehang munyin pianakne buka keto. Yadiapin ja pianakne mamunyi keto, Men Durmini tetep masih sayang tur nutug pajalane. Suba paek lantas memene makaukan, Cening Durmini nguda cening kimud cara sing ngelah meme bengil, dong antiang ja meme malu Masaut lantas Durmini sambilanga majalan, Ih megedi iba, kai lek pesan akuina pianak teken iba, kai tusing ngelah meme buka kene. Sedih pesan memene, tusing nyidayang naanang sakit atine lantas pastuna pianakne. Ratu betara dados asapunika tiang maderbe pianak, moga wasta I Durmini mangda nenten ja mamuwah . Suud keto lantas I Durmini dadi batu. Ditu lantas ia ngeling, ngidih pelih teken memene. Duaning suba ulung munyin memene, kenkenang ngwaliang munyine buka keto. Kanti jani I Durmini dadi batu gede.
In Indonesian
Enable comment auto-refresher