Ainggih, para angga panureksa sane wangiang titang. Sapunika taler, para sameton yowana sareng sami sane tresna sihin titiang.
Pinih ajeng ngiring sareng sami ngaturang rasa angayu bagia majeng ring Ida Sang Hyang Widhi Wasa, duaning sangkaning pasuecan ida, titiang ping kalih ida dane sareng sami prasida mapupul i riki nyarengin acara Wikithon Partisipasi Publik Bali Berorasi, antuk nguncarang panganjali umat. Om Swastyastu
Ring galahe sane becik puniki, lugrayang titiang ngaturang pidarta utawi orasi sane mamurda Sabo dados Kiwi . Niki nyinahang kawentenan woh-wohan lokal sane sampun aran nyansan kagentosin olih woh-wohan import saking dura negara. Antuk pikobet puniki, titiang ngaptiang para pemimpin Bali sane pacang kapilih ring warsa 2024 mangda nguratiang indik kawentenang woh-wohan lokal ring pasar Bali sane sampun aran kawentenannyane.
Sekadi Sane sampun kauningin sareng sami, mayoritas masyarakat Bali maagama Hindu. Nahh.. Ring agama Hindu puniki, akeh wenten rainan suci sane ngawinan iraga patut makarya Banten. Yening makarya Banten utawi canang sane jagi kaaturang punika patut nganggen woh-wohan. Mangkin akehan pedagang ring pasar sane maadolan woh-wohan import yening kasandingin sareng sane maadolan woh-wohan lokal. Peristiwa puniki kakranayang olih masyarakat Bali sane lebih seneng matumbasan woh-wohan import, krane karasayang lebih mael tur modern. Woh-wohan import sane kasenengin minakadi apel ceri,apel puji, apel pir, buah plum, puji Korea, anggur jari, kurma, kiwi golden tur malih akeh sane lianan. Sujatine woh-wohan import puniki becik kawentenannyane, iraga polih ngrasayang rasan woh-wohan sane anyar tur unik. Nanging iwangnyane nenten diimbangi sareng tatumbasan woh-wohan lokal. Yening puniki nenten katanggulangin, pastika woh-wohan lokal ngerered ngantos Ical. Nenten wenten pianak putun iraga uning tekening salak pondok, sabo, juuk kintamani, buluan, manggis tur woh-wohan lokal sane lianan.
Pemimpin Baline kaaptiang prasida ngicen solusi ring pikobet woh-wohan import Sane sampun kasenengin ring Bali puniki, ngawit saking kulawarga, desa, miwah sajebag Bali. Pemimpin ring Bali taler patut makarya aturan utawi awig-awig Sane nguratiang akeh woh-wohan import sane ngranjing ke Bali, mangda kalestarian woh-wohan lokal tetep ajeg.
Wantah asapunika sane prasida aturang titiang, yening wenten atur titiang sane nenten manut ring angga panureksa sareng sami, titiang nunas pangampura. Sineb titiang antuk paramasantih. Om Santih, Santih, Santih Om
Enable comment auto-refresher