Nyen ane tusing nawang BASAbali Wiki? Ene website ane misi paplajahan unduk Bali. Mirib makejang sisyane yen ada tugas Basa Bali pasti mukak BASAbali Wiki. Uling kamus, plalian kata, kanti sesuratan mabasa Bali ada dini. Website ene masih sesai ngae lomba mabasa Bali madan Wikithon. Wikithon inggih punika wiki marathon utawi genah mapanampen unduk isu publik, ngortaang panepas ane paling cocok anggon nepasin pakeweh krama di gumine. Kramane nyidangn mapanampen, nincapang kawagedan mabasa Bali, buina maan pipis disubane menang. Ane paling penting, makejang isin kenehe unduk isu publik nyidang pesuang dini tur dingeha teken pemerintah.
Mula melah pesan tetujon Website BASAbali Wiki nenenan. Nanging patut kenehang bareng-bareng, apa ke di ada wikithon dogen kramane nyidang mapanampen? Men yen topik utawi isu wikithon tusing karasaang baan kramane, kenken carane kramane mapanampen? Nah, yen saja mula BASAbali Wiki dot dadi platform ane nyidang dadi tongos kramane mapanampen unduk apa dogen ane ada di palemahane, tur nyidang nguningayang keneh kramane ka pemerintah, patut di website BASAbali Wiki ngae fitur Ngiring Masuara utawi ring basa Indonesia Mari Bersuara . Yen klik tombol Ngiring Masuara , ditu kramane nyidang nulisin isin kenehne unduk sakancan ane ada di palemahane, apa-apa dogen isu publik ane lakar katepasin, muah makejang ane lakar saduang ka pemerintah. Tusing ja tuah nulis, nanging ditu masih nyidang ngisinin foto, video, lokasi, muah adan dinas apa ane lakar katuju.
Contone yen ada ceglongan utawi jalan usak, ento nyidang ngae anak ane liwat nemu baya, apa buin yen liwat peteng-peteng. Krama ane nepukin unduk totonan nyidang nulis di fitur Ngiring Masuara . Ditu kramane nyidang masadu ka Dinas Pekerjaan Umum tur kalengkapin baan foto jalan ane usak. Jani tim BASAbali Wiki ane ngelah tugas apang sesuratan kramane di fiur totonan nyidang neked ka dinas-dinas.
Ada makudang-kudang pakeweh ane sai tepukin di jalan, nanging I raga tusing nawang lakar masadu kija. Paling-paling ngrimikang pemerintah di media sosial. Ento masih tusing ada gunane, pemerintah tusing ja nyak ngrepak nulungin. Nanging yen suba ada website BASAbali Wiki, dumadak ja munyin kramane bisa nganteg ka pemerintah. Cara keto yen panampen tiang. Dumogi ja BASAbali Wiki nyidang nuludulin keneh krama apang urati teken palemahan tur isu publik. Apang BASAbali Wiki nyidang masadok teken pemerintah unduk isin keneh muah panampen kramane. Pamuputne para krama miwah pemerintah nyidang bareng-bareng saling gisi ngae Bali sayan maju.
Punyan duren buahne ulung nglilik, Adep ka peken aji dasa tali, Mai tangen nampenin isu publik, Mesuang keneh di BASAbali Wiki.
Siapa yang tidak tahu BASAbali Wiki? Website ini berisi pelajaran mengenai Bali. Mungkin semua siswa bila ada tugas Bahasa Bali, pasti membuka BASAbali Wiki. Dari kamus, permainan kata, sampai semua tulisan berbahasa Bali ada di sini. Website ini juga sering mengadakan lomba berbahasa Bali bernama Wikithon. Wikithon adalah wiki marathon atau tempat untuk berpendapat mengenai isu publik, berbicara tentang solusi yang paling tepat sebagai jalan keluar permasalahan masyarakat di dunia. Masyarakat bisa berpendapat, meningkatkan kemahiran berbahasa Bali, dan juga bisa mendapatkan uang ketika menang. Yang paling penting, semua pendapat mengenai isu publik bisa disampaikan di sini dan didengat oleh pemerintah.
Memang baik sekali tujuan Website BASAbali Wiki ini. Namun perlu dipikirkan bersama, apakah hanya ketika ada wikithon saja, masyarakat bisa berpendapat? Lalu apabila topik atau isu wikithon tidak dirasakan oleh masyarakat, bagaimana caranya masyarakat berpendapat? Nah, kalau memang BASAbali Wiki ingin menjadi platform yang bisa menjadi tempat masyarakat berpendapat tentang apa saja yang ada di sekitarnya, dan bisa menyampaikan perasaannya kepada pemerintah, seharusnya di website BASAbali Wiki membuat fitur “Ngiring Masuara” atau dalam bahasa Indonesia bernama “Mari Bersuara”. Apabila diklik tombol “Ngiring Masuara”, di sana masyarakat bisa menulis isi perasaannya mengenai segala sesuatu yang ada di sekitarnya, apa saja isu publik yang akan diselesaikan, dan demua yang akan disampaikan kepada pemerintah. Tidak hanya menulis, namun di sana juga bisa mengisi foto, video, lokask, dan nama dinas apa yang dituju.
Contohnya bila ada kubangan atau jalan rusak, itu dapat mencelakai orang-orang yang lewat, terlebih lagi kalau malam hari. Masyarakat yang melihat hal tersebut dapat menulis di fitur “Ngiring Masuara”. Di sana masyarakat bisa berkeluh kesah ke Dinas Pekerjaan Umum dan melengkapinya dengan foto jalan yang rusak. Lalu tim BASAbali Wiki yang bertugas agar tulisan masyarakat di fitur tersebut dapat sampai ke dinas-dinas.
Ada beberapa masalah yang sering ditemui di jalan, namun kita tidak tahu harus berkeluh kesah ke mana. Ujung-ujungnya mencibir pemerintah di media sosial. Itu juga tidak ada gunanua, pemerintah tidaklah tergerak untuk membantu. Namun apabila sudah ada website BASAbali Wiki, semoga suara masyarakat bisa sampai kepada pemerintah. Seperti itulah pendapat saya. Semoga saja BASAbali Wiki bisa memantik semangat masyarakat agar perhatian dengan lingkungan dan isu publik. Agar BASAbali Wiki bisa berkeluh kesah dengan pemerintah tentang perasaan dan pendapat masyarakat. Pada akhirnya masyarakat dan pemerintah dapat bersama-sama saling berpegangan membuat Bali semakin maju.
(pantun diadaptasi dari Bahasa Bali)
Pohon duren buahnya jatuh menggelinding,
Dijual di pasar sepuluh ribu rupiah,
Ayo peka menanggapi isu publik,
Menuang isi hati di BASAbali Wiki.
Enable comment auto-refresher