Utsaha Ngirangin Kemacetan ring Bali
Om Swastyastu.
Inggih Ida dane sareng sami sane banget singgihang titiang.
Suksma aturang titiang majeng ring Ida Sang Hyang Widhi Wasa riantukan mresidang titiang wusan orasi ring rahina sane becik puniki.
Inggih Ida dane sareng sami sane wangiang titiang.
Iraga sareng sami sampun uning indik Pulo Bali ketah kabaos Pulo Swurgan olih para wisatawan. Kaluihan sane w nten ring pulo puniki prasida ngawinang para wisatawan seneng nyingakin tur akeh sane rauh mariki. Duaning akeh para wisatawan sane rauh, punika dados jalaran nincapang perekonomian ring Bali mangda sayan nglimbak. Santukan sane mangkin sektor pariwisata pinaka ekonomi utama ring Bali. Sakewanten ring sajeroning panglimbak ekonomi ring widang pariwisata, punika taler ngawinang pikobet, minakadi macet ring margi.
Wenten sane maosang, macet ring margi wantah dampak saking panglimbak pariwisata ring wewidangan punika . Titiang cumpu pisan sareng bebaosan punika. Akehnyane kendaraan ring margi pinaka cihna panglimbak ekonomi ring widang pariwisata, nanging kawentenan macet ring margi prasida ngamedalang pikobet ring manah wisatawan miwah krama irika. Kemacetan punika ngawinang para wisatawan n nten seneng taler yening pikobet punika nenten katungkasin sinah pacang ngrusak citra pariwisata ring Bali
Ida dane sareng sami sane singgihang titiang.
Tiosan ring kaw ntenan pariwisata san sayan nincap, faktor utama san ngawinang macet inggih punika kaw ntenan krama san sayan nincap miwah kaw ntenan kendaraan san n nten anut ring infrastruktur jalan san w nten. Napi malih krama Bali sane mangkin sami sampun madue kendaraan pribadi soang-soang, wantah asiki jadma kemanten prasida madue kalih utawi tigang kendaraan. Punika sane mawinan akeh kendaraan ring Bali nenten seimbang sareng akeh parajanane. Manut data saking Badan Pusat Statistik BPS Bali warsa 2022 sane lintang, akeh kendaraan manut sorohnyane inggih punika 4.756.364 kendaraan, raris ak h krama ring Bali inggih punika 4,32 yuta diri.
Lianan ring punika, sane mangkin wenten oknum saking dura Bali sane nampak nganggen kendaraan sane nenten matanda DK taler wenten sane malsuang plat nomor kendaraan. Yening oknum sekadi punika nenten kauratiang, punika pacang ngawinang pikobet ring kawentenan kendaraan ring margi. Ring pikobet-pikobet sane sampun baosang titiang iwawu, napike Ida dane sareng sami mresidang ngawewehin piteket sane patut?
Inggih Ida dane sareng sami sane banget wangiang titiang.
Wenten piteket sane prasida aturang titiang iriki, inggian punika :
1. Transportasi umum patut kamargiang. Yadiastun parajanane sami durung nampi becik fasilitas transportasi umum ring Bali. Beciknyane pemerintah sayan mautsaha nincapang rasa percaya parajanane sami ring kawigunan transportasi umum. Rumasuk taler ring para wisatawan mangda nenten malih nyewa kendaraan.
2. Ngewatesin numbas kendaraan yening kendaraan sane dumunan kantun prasida kaanggen. Sampunang numbas kendaraan anyar sangkaning nuutin jaman, gengsi yening nenten madue sane anyar. Taler ngewatesin anak dura Bali nganggen kendaraan sajabaning plat DK .
Inggih Ida dane sareng sami.
Kawentenan macet puniki wantah sangkaning panglimbak pariwisata ring Pulo Bali. Akehnyane wisatawan sane rauh ngicenin dampak san becik ring ekonomi Bali widang pariwisata. Sakewanten, yening dampak ring panglimbak pariwisata punika nenten kauratiang sinah pacang nemu pikobet sane lianan. Napi malih sane mangkin akehnyane kendaraan ring Bali nenten seimbang sareng akehnyane parajanane, punika mawinan pinih patutnyane wenten pangrencana indik pengelolaan tata ruang sane becik.
Sujatinyane ida dane sareng sami, sampun akeh utsaha sane kamargiang olih pamerintah antuk ngirangin kemacetan ring margi. Sakewanten santukan nenten wenten uratian saking parajanane, sane ngawinang utsaha punika n nten mamargi antar. Sane mangkin, yening iraga pinaka krama Bali makayun mangda macet ring margi prasida ical, ngiring sareng-sareng nguratiang utsaha-utsaha ngirangin kemacetan mangda prasida nuju Ajeg Bali.
Inggih Ida dane sareng sami sane singgahan titiang.
Wantah kadi asapunika sane prasida aturang titiang, mogi-mogi wenten pikenoh ipun. Yening wenten sane nenten manut ring arsan ida dane sareng sami banget titiang nglungsur agung rna pangampura. Puput aturan titiang parama santih.
Om Santih, Santih, Santih Om.
Enable comment auto-refresher