Foto-Papineh Calon Sarjana ring Masa Corona-I Made Teja Mahadi Putra

Year

Related Places

Writer(s)

Photographer(s)

Reference

081239105418

Photo Credit

Video Credit

Wikithon competition

Photo

⏤

Yening maosang cita-cita, kawentenan dokter akeh sane kabaosang pinaka cita-cita saking alit-alite. Dados kabaosang pinaka cita-cita favorit. Akeh motivasi sane pinaka alasan, minakadi manah pacang mengabdi, nyantos motif ekonomi. Titiang taler ngerasayang sekadi asapunika. Saking ngerjanjing ring sekolah dasar, meled taler manah titiang ngeranjing sekolah kedokteran ring masa kuliah. Sangkaning punika tiang jemet melajah tur nyarengin kegiatan ring luar sekolah. Pengaptine wantah polih beasiswa anggen kuliah kedokteran.

Gelis galah memargi, titiang sampun kabaosang calon mahasiswa. Liang manah titiang sampun katerima pinaka sisya ring silih sinunggil universitas favorit ring Bali. Pinaka silih sinunggil syarat, titiang nyarengin tes kesehatan. Nanging boya ja liang, kelulusan titiang kapialang antuk kendala fisik buta warna parsial. Sebet tan kadi-kadi. Kadirasa tembang Ngeling Sambil Manting saking Bayu Cuaca sampun rasayang tiang.

Sasukat ento, titiang milih kuliah ring jurusan akuntansi. Iseng-iseng tiang milu medaftar jurusan akuntansi, nanging katerima. Boya ja tiang seneng, nanging tuah anggen pecadang kuang. Ento masih sane ngranayang titiang nenten semangat kuliah, sangkaning manah titiang wantah minehang salah jurusan . Peplajahan meweh pisan karasayang. Nyantos kalih semester, manah Ngeling Sambil Manting kari karasayang. Nanging buin keneh-kenehang titiang, akeh semeton sane nenten prasida ngelanturang pendidikan sangkaning biaya utawi faktor lianan. Sasukat punika titiang semangat, jengah manah titiang sampun polih kesempatan kuliah.

Sangkaning Suwecan Ida Sang Hyang Widhi, akeh sane sampun kaicen olih Ida ring manah titiang. Pinaka jayanti ring pacentokan nyantos kesempatan nyarengin program ring dura negara sampun karasayang. Sane mangkin tusing kerasa titiang sampun ring semester akhir. Manah titiang wantah ngingsirin tali toga sane sampun kaaptiang olih kaluwarga. Punika krana titiang pinaka calon sarjana kapertama ring kaluwarga.

Nenten je wantah nyurat tugas akhir kemanten. Nanging akeh kurikulum pendidikan titiang pinaka sisya politeknik sane patut laksanayang titiang ring galah pandemi sekadi mangkin. Sasukat orti ngeninin Covid ring China, nyantos sampun kebaos ngeranjing ring Indonesia, titiang nyalanang swadharma praktik kerja lapangan. Saking rasa was-was memargi, magrebek pecalang sangkaning lembur ring kantor krana wates pinih untat ngelapor pajak, jejeh ring marga sangkaning sepi, nyantos ujian nganggen platform online sampun laksanayang titiang.

Mangkin sampun perjuangan titiang sane pinih untat ring sajeroning pendidikan. Nyurat sane kabaos tugas akhir. Samian pada uning, yening masa puniki pinaka masa sane pinih abot ring mahasiswa. Napi malih titiang. Ring aab jagate mangkin, nenten wenten kegiatan tatap muka ring kampus. Yening kayun bimbingan, wantah online kemanten. Punika yening dosen nyawis komunikasi ring sajeroning whatsapp utawi email. Nenten prasida antuk kacunduk ring kampus yening nenten wenten balasan. Wantah prasida pasrah. Napi malih yening polih dosen sane baperan sane ngamedalang miskomunikasi . Nanging tetep, mangda wisuda pacang kalaksayanayang, mafoto nganggen toga pinaka rasa bangga, turmalih perjuangan ngentasin salah jurusan . Nanging kondisi sane ngawinang sakadi asapuniki. Sane sampun lintang, wisuda taler kalaksanayang online.

Sebet. Malih sebet sane karasayang. Ngeranjing madaging rasa sebet salah jurusan , sampun nyaman taler jagi tamat, wenten pialang malih sane karasayang. Manah titiang mangkin, wantah asiki. Mangda pikobet sane kabaos Covid-19 puniki gelis metilar. Mangda gelis galah sane kabaos new normal. Mangda prasida sang sane sampun prasida ngentasin pialang salah jurusan ngrasayang bangga, ngicen toga kapertama ring kaluwarga. Taler ring semeton lianan sane wantah prasida nyarengin pendidikan nyantos mangkin. Mangda ngrasayang sane kabawos nganggen toga sane kapertama lan sane pinih untat. Nanging yening kari kondisi kadi asapuniki, wisuda kalaksanayang online, mangda semeton sareng sami prasida madue rejeki lan kesempatan anggen ngelanturang pendidikan. Mangda kabenjang pungkur, prasida ngerasayang nganggen toga. Astungkara

⏤