Rahajeng semeng, Sane kapertama para angga panureksa sane wangiang titiang, Tim BASAbali Wiki sane kusumayang titian, taler ida dane sareng sami krama bali saking makudang- kudang kabupaten sane tresna asihin titiang. pinih ajeng lugrayang titing ngaturang pangan jali umat Om swastyastu , salam rahayu Melarapan antuk penyambutan pemilu warsa 2024, iraga sareng sami krama bali taler seindonesia pacang nemuang tanggung jawab sane pinih ageng rikala milih pemimpin sane prasida dados pelindung irage sareng sami lan prasida ngicenin solusi rikala katemuang pikobet ring jagate puniki. Umpami pikobet sane Kantun wenten ring kalangan para truna trunine sakadi perundungan.yadistun kacingak biasa,nanging sampun akeh ngametuang korban. Sane ngawinang ,ne mangkin iraga sareng sami ngrereh pamimpin mangda memperjuangkan kebijakan sane kaanggen selanturnyane sane prasida nyaga, melindungi generasi anyar tur prasida ngawinang bangsa puniki benjangan maju. Perundungan antuk samian wentuknyane,prasida ngerusak kawentenan manusane. Puniki nenten wantah babaosan sane kasar utawi parilaksana sane nenten becik. Nanging puniki indik nepasin pabinayan,tatas uning indik individu pinaka wagiang sane mautama ring keberagaman social. Parundungan sane wenten ring sekolah , makudang-kudang widangan sane wenten ring bali katemuan ring widangan SMA,SMP, taler SD sane Kantun akeh ngerugiang korban.krama sane adil lan beradab mangda kadasarin antuk rasa hormat, empati lan kesetaraan.memilih pemimpin nenten wantah indik kebijakan taler visi sane ageng, nanging taler indik nilai moral sane satata kalaksanayang. Titian yakin pamimpin sane pantes kapilih wantah pemimpin sane jati peduli lan melaksana sane kaanggen nyegah perundungan ring krama iraga. Rikala milih pemimpin , ngiring iraga milih krama sane wantah madue visi sane ageng anggen masa depan. Nanging taler nelebin tanggung jawab ipun rikala ngametuang krama sane becik. Pemimpin sane madue komitmen anggen nyegah perundungan prasida ngawinang iraga mamargi ke genah sane becik,nujonin krama sane inklusif, adil lan ramah majeng samian individu. Sane kaping untat , rikala iraga ngemargiang pemilihan pemimpin ring bali, iraga patut menuntut kebijakan lan kepemimpinan sane wikan. Pikobet perundungan sane ngerugiang manusa lan ngerusak esensi keberagaman, mangda satata dados prioritas sane mautama majeng para calon pemimpin. Wantah memilih calon sane sujatinelebin tur ngambil prilaksana sane nyata indik perundungan, iraga prasida nyiptayang bali sane rahayu, inklusif, lan welas asih. Ngiring iraga sareng sami nyejerang masa depan sane sane becik lan bebas perundungan anggen generasi sane pacang rauh. Dumogi napi sane titian baosang prasida dados program kerja calon presiden warsa 2024 sane pacang rauh lan manadosang bangsa Indonesia dados bangsa sane bebas perundungan lan manadosang bangsa sane rahayu lan aman. Inggih wantah asapunika sane prasida titian aturang , yening wenten kaiwangan atur titiang nunas geng rna pangampura, antuk punika titian puputang antuk parama santi Om shanti shanti shanti om .
Enable comment auto-refresher