Ring zaman globalisasi puniki, akeh sane berkembang. Eda ja ring bidang teknologi, ring bidang sosial budaya masih patuh ngalamin perkembangan sane becat. Nanging ring zaman globalisasi niki, akeh masih pikobet sane ngae gumi Baline usak. Dados generasi muda utawi ketah irage oraang yowana Bali, mangda nawang peran iraga dados yowana. Bali, sane ketah kasambat antuk Pulau Dewata miwah pulau seribu pura puniki, madue adat tur budaya sane adiluhung. Puniki mawinan Iraga dados yowana Bali maswadharma nganalisis pikobet ring jagat Bali, tur nguningayang pikayunan iraga terkait solusi sane dados tur becik kaangen ring masalah punika. Mangda prasida ngwangun Bali sane rahayu tur ajeg.
Titiang, Ni Putu Mercy Leonilda saking SMAN 1 SEMARAPURA jagi nguningayang pikayun tiang terkait pikobet tur solusi sane prasida titiang aturang mangda jagat Baline puniki setata ajeg tur lestari.
Klungkung, wantah silih sinunggil kabupaten sane wenten ring Bali. Tahun lalu 2023 , kabupaten Klungkung kapimpin olih bapak Nyoman Suwirta I Nyoman Suwirta, S.Pd,.M.M . Program Bapak Suwirta sane viral tur kadadiang conto becik ring jagat Klungkung, inggih punika program TOSS Tempat Olah Sampah Setempat . Program puniki madue akeh pujian tur komentar positif ring masyakarat Klungkung, miwah ring luar Klungkung. Sakewale, akhir-akhir Niki program TOSS puniki ten mejalan sesuai harapan miwah ten efektif ngatasin pikobet sampah ring Klungkung. Yening berdasarkan sumber : https: podiumnews.com view 24452 Klungkung-Kondisi-Masalah-Sampah-Serius google_vignette. Bupati Klungkung, I Nyoman Jendrika mabaos pikobet sane utama ring Klungkung inggih punika wantah volume sampah sane akeh kanti 2 kali lipat, ring sebelumne sampah niki 16 ton, nanging jani sampun 32 ton awai. Ring sumber sane lianan, ngelanturang wantah pikobet masalah puniki krana akeh masyarakat sane ten uning ring kahanan tur fungsi kaasrian jagat palemahan iraga. Punika masih penyebab jagat Klungkung akeh sampah.
Sane mangkin, napi solusi sane dados Iraga Yowana Bali Generasi Muda Bali laksanayang mangda prasida nyujur jagat Klungkung sane lestari tur bersih? Solusi sane prasida titiang uningayang wantah ngelaksanayang ajahan Tri Hita Karana.
Napi harus Tri Hita Karana? Napi Hubungannyane?
Tri Hita Karana wantah silih sinunggil ajahan Ring umat Hindu di Bali. Tri Hita Karana madue arti Tiga Sane Ngeranayang Kerahayuan Jagat Tri Hita Karana kepah dados 3 soroh, 1. Parahyangan : Parhyangan puniki wantah hubungan irage sareng Ida Sang Hyang Widhi Wasa pinaka penguasa jagate puniki. Titiang rasa, yening iraga mireng kruna Parhyangan puniki pasti mekeneh tentang sarana muspa tur ngaturang banten. Nanging, titiang sane jagi titiang bahas, ten je ento. Sakewala parhyangan puniki wantah prilaku iraga ring genah-genah suci sekadi pura. Sampun sepatutnyane iraga nyaga kebersihan pura ne ento antuk mereresik tur ngayah. Sampah-sampah punika, ten je dados kabuang ka tukad tur got, nanging patut iraga olah mangda dados hal sane lebih maguna. Puniki masih bentuk hubungan becik iraga ring Ida Sang Hyang Widhi. 2. Pawongan : Pawongan wantah hubungan irage sareng sasama jatma di Bali. Dados jatma Bali, sampun sepatutnyane irasa saling asah,asih, miwah asuh. Berdasarkan pikobet sampah punika, iraga sareng sami prasida ngemaknain ajahan Tri Hita karana antuk saling ngingetin sasama jatma wantah pentingnyane lingkungan sane asri tur bersih. Maksud titiang puniki, pengolahan sampah ring klungkung ten je harus kapimpin olih pejabat utawi Bupati, nanging dados iraga utsahayang milah utawi olah sampah ring umah masing-masing. Yening iraga prasida ngolah sampah ring umah masing-masing, pastika pikobet sampah sane numpuk ring klungkung, nyasan ilang. 3. Palemahan ; Palemahan wantah silih sinunggil rinng ajahan Tri Hita Karana sane paling pas sareng topik. Iraga dados jatma Bali, khususne agama Hindu pastika percaya, makejang jatma, beburon tur taneman ring jagate puniki wantah kacipta olih Ida Sang Hyang Widhi. Antuk punika, hubungan iraga sareng palemahan harus becik tur ajeg. Silih sinunggil cara nyaga palemaham iraga, inggih punika pengolahan sampah. Yening iraga rakyat klungkung sampun uning wenten program TOSS saking pemerintah, ngiring sareng-sareng milah sampah ring umah masing-masing. Mangda kinerja ring program TOSS punika prasida efektif tur ngawinang jagat klungkung asri.
Intinyane, ajahan ajahan leluhur ring Bali punika wantah ajahan sane patut kalaksanayang ring era globalisasi puniki, walaupun anggen cara sane modern. Jaman modern wantah jaman sane serba ada, tur sane serba aluh. Yening iraga dados yowana Bali, de je kanti iraga terlena sareng globalisasi ne ento. Iraga patut melek ajak berita-berita terbaru, tur setata ngelestariang budaya lat adat Bali sane pinaka contoh teladan ring utsaha nyujur Bali Asri lan Bersih.
Enable comment auto-refresher