Description
English
Balinese
Disinformasi Disinformasi inggih punika orti utawi informasi sane nentek yakti tur maya, kewentenan ipun kaanggen ngolok-ngolok ngawinang kaon anak sane lianan. Duk jaman ring ungkur, disinformasi puniki rered kaanggen ring sajeroning krama utawi masyarakat, minakadi ring Puputan Romawi. Ring aab jagate mangkin akeh taler wenten disinformasi ring medsos utawi media sosial marupa orti sane madi-madi, disinformasi wenten sane kakaryanin sekadi orti sane legal utawi resmi, tetujonnyane mangda sapasira sane ngwacen orti punika polih informasi sane iwang nglantur ngranayang kaon. Yening uratiang disinformasi akeh wangunnyane minakadi orti, dokumen utawi file, taler poto ngadi-ngadi sane prasida ngranayang krama utawi sametone sami kapetengan. Disinformasi puniki ngranayang akeh pikobet sane nenten munggah ring arsa minakadi pencemaran nama baik utawi nyemerang linggih, pesengan anak sane lianan. Orti ring krama utawi masyarakat inggih punika sarana sane encal tur becik kaanggen ngelanturang kawentenan disinformasi ipun. Kawentenan disinformasi nenten ja tios tatujonne kaanggen misuhin sapasira sane maduwe linggih tur kuasa. Iraga manados krama sane nenten ja uning taler prasida keni antuk informasi sane nenten yakti punika. Patutnyanne iraga sareng sami uning sapunapi tata cara nguningang indik disinformasi punika. Sapunapi informasi sane yakti, sapunapi sane mogbogin, utawi nenten yakti tur ngaonin. Disinformasi punika encal yening sampun wenten kawentennyanne ring medsos, akeh semeton sami sane polih info tur men-share informasi punika nenten uning yening nika disinformasi utawi orti sane maya. Tata cara iraga antuk sapunapi nguningang informasi punika yakti napi nenten inggih punika mawit antuk ngrereh saking dija sumber utawi sira sane ngawi orti, informasi punika. Ngrereh orti sane tiosan nanging kantun maiketan dados kaanggen verifikasi saking dija orti, informasi punika mawit tur yakti kawentenan ipun. Disinformasi punika mantuk ring misinformasi sane kawentenyanne maya utawi orti sane kakaryanin ngadi-ngadi nenten manut ring napi ka sane patut. Konteks sane iwang taler mantuk ring disinformasi, orti sane yakti katelatarang antuk konteks sane iwang. Misinformasi tur disinformasi punika ring krama sami rered kaapti pateh wangunnyane, nanging sujatine misinformasi tur disinformasi punika matiosan kawentenyanne. Yening kadabdabang, misinformasi punika pateh sekadi informasi sane katelatarang iwang, nanging sang sane nelatarang informasi punika ngandika informasi punika patut. Informasi punika kawedar antuk arsa sane becik tur tan wenten pikenoh ipun jagi ngaonin anak sane lianan antuk informasi sane kawedar punika. Nanging indik disinformasi, sang sane ngawedar punika uning yening orti, informasinyanne nenten yakti utawi mogbogin. Yadiastun sekadi punika, sang sane ngawedar kukuh ngawedar antuk tetujon jagi ngolok-ngolok, tur wenten kantun ngaonin anak lianan. Daging orti sane ngaonin punika prasida ngandika sapasira sane mireng utawi ngwacen maderbe sudut pandang, pamineh sane malianan manut orti sane kaicen punika. Daging puniki patut marupa kompilasi ngenenin poto sane kadagingin murda sensasional utawi maya-maya, indik punika akeh kasaksiang ritatkala wenten maiketan ring politik, propaganda, tur teori konspirasi. Daging ipun sane memanipulasi sang sane ngwacen rered kaanggen antuk misuhin, misunain anak lianan, wangun lembaga sane tiosan, taler palinggihan utawi parinama organisasi utawi sekaa sane maiketan. Sekadi imba utawi conto, wenten pikobet ring Ratna Sarumpaet sane negarang ragan ipune kajagur taler dianiyaya, yadiapin sujatine ragane tan wenten sane nyiatin sekadi punika. Indik sekadi punika kabligbagang ritatkala musim politik. Niki sekadi conto saking orti, informasi sane maya nanging kawedar sawireh tetujonnyane kaanggen antuk mogbogin tur ngaonin anak sane lianan. Sang sane ngawedar disinformasi ring kasus sane tiosan taler nguningang yening arsa sane mungah daweg punika kantun emosional. Yening uratiang malih, sang sane ngawedar punika sampun maiketan antuk daging orti, informasi sane iwang punika ngelantur kawedar nenten je ngrereh sumber utawi kapatutan saking orti sane kaicen punika. Panglalah ekonomi taler kaanggen pikayun antuk nabdabang kawentenan disinformasi punika. Disinformasi sane rered memargi taler kaanggen olih oknum antuk ngamargiang tetujon sane jagi kaapti. Sang sane ngawedar informasi punika taler rered mapikayun yening ipun ngawedar orti sane maya punika duaning wawu ngwacen murda orti kemanten, punika mawinan sang sane ngaweda ten uning ngeninin daging saking orti punika. Yening manut ring hukum, sapasira sane ngawedar orti maya utawi disinformasi sampun kasurat ring Undang-Undang. Inggih punika sampun kasurat ring Undang-Undang No.1 Tahun 1946 ngenenin Peraturan Hukum Pidana Pasal 14 ayat 1 sane dagingnyanne; barang siapa, dengan menyiarkan berita atau pemberitahuan bohong, dengan sengaja menerbitkan keonaran, dikalangan rakyat, dihukum dengan hukuman, penjara setinggi-tingginya sepuluh tahun. Undang-Undang taler ngawedar indik disinformasi sane sampun kasurat ring Undang-Undang No. 19 Tahun 2016 mantuk Informasi Dan Transaksi Elektronik Pasal 45A Ayat 2 sane dagingnyanne; setiap orang yang dengan sengaja dan tanpa hak menyebarkan informasi yang ditujukan untuk menimbulkan rasa kebencian dan permusuhan individu dan atau kelompok masyarakat tertentu berdasarkan atas suku, agama, ras dan antar golongan SARA sebagaimana dimaksud dalam pasal 29 ayat 2 dipidana dengan paling lama 6 enam tahun dan atau denda paling banyak Rp.1.000.000.000,00 satu miliar rupiah .
Indonesian
Other local Indonesian Language ( )
Enable comment auto-refresher