Kedis Sikep Nylametang Prabu Suradarma
Summary
In English
In Balinese
Yadiastun Prabu Suradarma kantun wimuda, matuwuh 18 tiban, nanging dane mawibawa tur waged ngamong jagad. Makami panjak ring Puru Winduraja patuh tur manut ring pararem puri. Kantun alit, Suradarma sampun mlajahin sastra saking panglingsir idane. Dane taler seneng mlajahin sastra agama, babad, muang paplajahan tiosan. Sang Prabu Suradarma seneng maburu ka alase. Kasenengan maburu wantah tetamian saking panglingsir idane. Dane ledang maburu yening nenten wenten pakaryan ring puri. Anggen ida masliahan, nglimurang manah. Santukan lunga ka alase sane bet tur becik, prasida nyegerang kayun. Sedek dina anu, Prabu Suradarma ngelurin sinalih tunggil patih idane sane seneng maboros. Dane ngajakin pepatih idane maburu ka alase. Benjang semeng, juru boros sampun mapulpul ring bancingah puri. Juru borose ada sregep cicing galak, tombak, sumpit, tali, lan jaring. Ada masih ngaba gong anggon ngulahin buron ane kaborosin. Paling siduri panjak ane ngaba bekel salami maboros. Ri kala macelep ka tengah alase, cicinge pada ngongkong. Cihna liu ada buron pasliur di alase. Juru boros ane sregep sanjata ngurung tongose, sayaga numbak buron ane ngliwat. Nanging beburone liu masih ngelah daya, mengkeb ngengkis di tengah alase, lantas makisid tongos nylametang raga. Panjak ane sregep gong tusing ngrerenang ngedig gong lan kendang apang macegur. Pangaptine buron di tengah alase jejeh tur malaib ka sisi tur kena sateb. Nanging mamocol, tusing ada beburon nyang aukud pesu uling tongosne mengkeb. Prabu Suradarma nitahang patih idane ngrerenang maboros. Paman patih lantas ngelurin juru borose apang laut tur mapupul. Makejang lantas mareren tur ngagah takilan. Sasubane maan mangaso, Prabu Suradarma nitahang patih idane lan juru borose nglanturang maboros. Pajalan juru borose ngancan joh nyusup alas. Nanging, tusing ada beburon majlawatan apabuin bakat juk. Prabu Suradarma sane kaleson raris tedun saking tundun gajahe. Dane menehin genah kadutan idane. Paman, tumben jani gelah mamocol maboros ka alase. Bekele ngancan telah, bedake masih tusing nyidang nanggehang. Da ja maan ngejuk kidang, kadirasa bikul tusing ada mentas. Men kenken ane jani? Ngiring lanturang malih mamargi Gusti Prabu. Sira uning nampek genahe niki wenten toya klebutan utawi pancoran, saur Gusti Patih. Panarkan Patih Puri Winduraja madaging pisan. Risampun ngliwatin tegalan ambengan, dane manggihin toya sane ngetel saking abinge. Gusti Patih ngelurin juru boros lan panjak purine mangda marerern tur salegenti nginem yeh di sisin abinge. Gusti Prabu sane kapertama katuran ngraup toyane. Dane raris ngambil daun rumaris katekuk dados tekor. Tekor punika kaanggen ngwadahin toya sane ngetel saking abinge. Prabu Suradarma sane kalintang bedak ngantosang tekor idane ebek madaging toya. Rikala jagi ngraup toyane, rauh kedis sikep tur nyander tekor Prabu Suradarma. Makasami toya di tekore ulung tan pasisa. Prabu Suradarma duka santukan pocol munduhang toya di tekore. Patih lan juru borose kuwuk-kuwuk ngulahin i kedis sikep. Prabu Suradarma malih ngambil daun tur makarya tekor anggen natakin toya sane ngetel saking abinge. Rikala toyane jagi kainem, maling kedis Sikep nyander tekor idane. Makasami toyane ulung tan pasisa. Nas bedag cai kedis sikep, buin cepok cai bani nyander tekore, kal matiang Prabu Suradarma kalintang brangti. Prabu Suradarma malih makarya tekor kaping tiga. Ida kantun satya nyantosang ketelan toyane ngebekin tekore. Yadiastun toyane durung ebek nagingin tekore, Ida digelis jagi ngraup toyane apang nenten kasalip antuk I kedis Sikep. Nanging I Kedis Sikep nawang pikayunan Sang Prabu lantas nyander tekore. Prabu Suradarma becat ngejuk kedis Sikep tur nibakang keris di tangkah paksi mabulu selem ento. Kedis Sikep ngemasin mati. Nunas ampura Gusti Prabu, sampunang matianga kedis Sikep punika kalih diri juru boros matur ring Prabu Suradarma uling duwur abinge. Ngudiang sing dadi matiang, ia suba nyander tekor yeh gelahe Santukan Kedis Sikep punika sampun nylametang urip Gusti Prabu. Ring ulu tukade niki wenten lelipi nyimbuhang upasne. Yening toya punika karaup, pastika keni wisya, saur juru boros. Prabu Suradarma kagiat, pramangkin nyelempoh. Pramangkin matiosan prabawan idane, ucem sakadi Bungan pucuke ulet. Patih lan panjak idane raris ngnampekin. Gelah raja ane drohaka, paman. I Kedis Sikep ane nulungin urip gelahe bakat matiang, Prabu Suradarma nyeselang raga. Kedis Sikep, walesang jengah caine kapining gelah. Bancut urip gelahe, tusing maguna gelah maurip yen mamati-mati tekening beburon tur tusing bisa ngwales budi, atur Ida sinambi mancut kadutan. Paman Patih digelis ngrebut kerise saking tangan Prabu Suradarma. Dane jejeh yening Prabu Suradarma pacing ngulah pati. Sampunang Gusti Prabu. Boyake Gusti Prabu nenten nguningin parilaksanan ipun I Kedis Sikep. Sapunapi panados panegaran palungguh cokor i ratu yening ngulah pati, atur Gusti Patih. Gelah suba mamati-mati buron tan padosa tur nulungin uripe. Sauripe gelah marasa pelih, paman. Men kenken patutne gelah jani paman? Gusti Patih raris micayang piteket mangda Prabu Suradarma nyupat Kedis Sikep tur katanem ring alase. Prabu Suradarma nglaksanayang sakadi piteket patih idane. Risampun puput nanem kedise, Prabu Suradarma nitahang juru boros lan panjak idane tulak ka Puri Winduraja. Tan pamikolihang buron ring paburuan. Nanging Prabu Suradarma ngamolihang paplajahan idup.
In Indonesian
Raja muda itu amat gemar berburu ke dalam hutan. Kegemaran itu diwarisi dari ayah dan kakeknya. Tetapi Prabu Suradarma hanya mau berburu apabila tidak ada kesibukan dalam pemerintahan. Baginya, berburu hanyalah untuk kesenangan dan menyegarkan pikiran. Pada suatu hari, Prabu Suradarma memanggil patihnya yang suka berburu. Raja muda itu mengajak patihnya berburu ke hutan. Keesokan harinya, seluruh pasukan berkumpul di depan istana. Ada yang membawa anjing galak, panah, tombak, sumpit, tali, dan jaring. Beberapa orang membawa gong yang dipukul untuk menghalau hewan buruan. Paling belakang adalah abdi raja yang mengangkut perbekalan. Ketika memasuki hutan, anjing-anjing mulai menggonggong. Pertanda banyak hewan berkeliaran di sekitarnya. Pasukan yang membawa senjata pun mengurung daerah itu. Mereka siap melepas senjata kepada setiap hewan yang melintas. Tetapi rupa-rupanya hewan-hewan itu lebih cerdik. Mereka bersembunyi di tengah semak-semak yang lebat, lalu menyusup ke wilayah yang lebih jauh. Pasukan bunyi-bunyian tak henti-hentinya memukul gendang dan gong. Mereka berharap hewan-hewan itu ketakutan dan berlarian ke arah perangkap. Tetapi sia-sia. Raja memerintahkan beristirahat. Paman patih memerintahkan seluruh pasukan untuk berkumpul. Mereka beristirahat sambil menikmati bekal. Setelah tenaga mereka pulih kembali, perburuan dilanjutkan. Perjalanan makin lama makin menyusup ke dalam hutan belantara yang lebat. Aneh, tak seekor pun binatang yang melintas, apalagi tertangkap. Prabu Suradarma yang tampak letih itu turun dari punggung gajah. Sambil memperbaiki letak keris, katanya, “Sial benar hari ini, Paman! Tak seekor hewan yang kita tangkap. Jangankan rusa, tikus pun tak ada melintas. Tambah lagi kita semua kehausan, padahal bekal sudah habis.” “Sebaiknya kita berjalan terus, Paduka! Siap tahu dekat tempat ini kita menemukan mata air ataukah pancuran,” saran Paman Patih. Perkiraan Paman Patih itu benar. Setelah melewati padang ilalang, ia menemukan air yang menetes dari tebing. Sekali lagi Paman Patih memanggil seluruh pasukan untuk beristirahat dan bergantian minum air. Paduka raja mendapat kehormatan pertama kali. Diambilnya selembar daun lalu ditekuk sehingga bentuknya seperti mangkuk. Mangkuk itu digunakan untuk menampung air yang menetes dari celah-celah batu. Raja yang kehausan itu harus sabar menunggu tetesan kecil dan lambat itu. Ketika Paduka Raja hendak meminum air itu, tiba-tiba seekor burung elang menyambar tangannya. Air itu tumpah, tak setetes pun tersisa. Raja teramat marah. Patih dan anggota pasukan lainnya berteriak-teriak mengusir si burung Elang. Raja mencoba lagi. Tetapi ketika raja hendak meneguk air itu, burung elang itu kembali menyambar tangan raja. Air tumpah dan tak setetes pun tersisa. “Sialan kau, Elang! Sekali lagi kau merampas airku, kau akan kubunuh!” kata raja sangat marah. Raja mencoba untuk ketiga kalinya. Air itu menetes perlahan-lahan, setitik demi setitik. Raja bermaksud akan segera meminumnya walaupun mangkuk dauh itu belum penuh. Elang yang kurang ajar itu pun mengetahui gelagat itu, lalu secepatnya menyambar tangan raja. Dengan sigap raja menangkap elang dan menusukkan keris. Elang itu terkapar mati. “Maaf, Paduka! Jangan bunuh elang itu!” tiba-tiba dua orang pemburu berteriak-teriak dari atas tebing. “Ada apa?” Tanya Prabu Suradarma heran. “Elang itulah yang menyelamatkan Tuanku! Di hulu serokan ini ada seekor ular yang menyembur-nyemburkan bisanya. Kalau air itu sampai terminum, pastilah keracunan,” kata lelaki pemburu. Raja terpengarah dan tertunduk. Wajahnya seketika berubah sedih. Melihat wajah raja yang pucat, patih segera mendekat. “Akulah raja yang terjahat, Paman. Aku telah membunuh burung Elang penyelamat jiwaku. “Burung Elang balaskanlah dendammu. Cabutlah nyawaku, tiada guna hidupku jika membunuh bintang tanpa dosa!” kata raja sambil menghunus kerisnya. Paman Patih segera merebut keris dari tangan Prabu Suradarma. Dia takut jika raja bunuh diri. “Jangan berbuat demikian, Paduka. Bukankah Paduka tidak mengetahui niat baik burung elang itu? Bagaimana nasib kerajaan Winduraja jika Tuanku bunuh diri,” kata Paman Patih. “Aku sudah membunuh hewan tanpa dosa bahkan menyelamatkan nyawaku. Sepanjang hidup aku akan merasa berdosa, Paman. Bagaimana sebaiknya aku sekarang, Paman?” Paman Patih menasehati Prabu Suradarma agar mendoakan dan mengubur burung elang itu di hutan. Prabu Suradarma pun melaksanakan saran patihnya. Seusai mengubur bangkai burung elang, Prabu Suradarma memerintahkan para pemburu dan pengikutnya pulang ke Kerajaan Winduraja. Tak seekor hewan pun dibawa pulang. Namun Prabu Suradarma telah mendapatkan pengalaman yang sangat berharga.
Sumber: Kisah-Kisah Tantri Made Taro
Enable comment auto-refresher